Гучы, роднае слова!
13.02.2021Самы радасны прадмет –
спасцігаць загадку слова,
роднае зямелькі мову
на ўроку,
у жыцці,
каб лягчэй было ісці
і каб сілу мець душою
праз жыццё –
за годам год, -
што зямля твая –
з табою,
што з табою –
твой народ!
Г. Пашкоў
У суботу, 13 лютага, для вучняў 6-9 класаў у школе было наладжана мерапрыемства “Гучы, роднае слова”, прысвечанае надыходзячаму Дню роднай мовы (21 лютага). Арганізавана яно было ў форме ўсім вядомай гульні “Крыжыкі-нулікі”. Вучні мелі магчымасць узбагаціць свае веды пра культуру Беларусі, пра беларускую мову і літаратуру, а таксама праявіць свае творчыя здольнасці і прадэманстраваць уменне працаваць у камандзе.
Гульцы каманд “Крыжыкі” і “Нулікі”, выконваючы заданні да 7 тураў, згадвалі па падказках-апісаннях вядомых людзей беларускай зямлі, знакамітых архітэктурных збудаванняў Беларусі, прадметы з прачытаных твораў па іх апісанні, назвы твораў па пачатку, іх аўтараў, адказвалі на пытанні на самыя разнастайныя пытанні
Пераможцай стала каманда “Нулікі”. Нягледзячы на тое, што ў гульні былі і пераможцы, і пераможаныя, усе прадэманстравалі ў ходзе яе сваю непадробную зацікаўленасць і задавальненне. Гэта было сапраўднае спаборніцтва моўных ведаў, дэманстрацыя эмоцый і здольнасцей. Скончылася гульня словамі наказу Уладзіміра Караткевіча: “Любіце гэтую сваю святую зямлю аддана і да канца. Іншай вам не дадзена, дый непатрэбна”.
Настаўніца беларускай мовы
і літаратуры А.Я. Рэбкавец