“Кветкі – паэту!”
11.12.2021“Кветкі – паэту!”
Бо, як ёсць у народа такія – не загіне давеку народ.
У. Караткевіч
9 снежня наша краіна адзначала 130-годдзе з дня нараджэння Максіма Багдановіча, паэта “чыстай красы”, аднаго з самых яркіх і самабытных мастакоў слова Беларусі. З гэтай нагоды 11 снежня ў нашай школе прайшоў конкурс выразнага чытання вершаў Максіма Багдановіча.
Мэта правядзення мерапрыемства: ствараць аптымальныя умовы для выяўлення творчага патэнцыялу вучняў, папулярызаваць беларускае слова, падрымліваць цікавасць вучняў да асобы і творчасці Максіма Багдановіча, выхоўваць пачуццё патрыятызму, гонару за Беларусь, яе лепшых прадстаўнікоў.
Спачатку ўдзельнікам конкурса быў паказаны відэасюжэт “Жыццё і творчасць Максіма Багдановіча”. Вучні ўбачылі шмат рэдкіх фатаграфій і папоўнілі свае ўяўленні аб непаўторным абліччы мастака самабытнай адоранасці, задушэўнага лірыка, дасканалага публіцыста і празаіка, таленавітага крытыка і перакладчыка, філосафа, грамадскага дзеяча, чалавека энцыклапедычных ведаў, шырокіх духоўных інтарэсаў, крыштальнай маральнай чысціні.
Гучалі найбольш вядомыя песні, у аснову якіх былі пакладзены паэтычныя радкі Максіма Багдановіча. Каб абудзіць цікавасць прысутных да славутай постаці класіка беларускай літаратуры, была праведзена міні-віктарына.
А далей былі вершы… Выразнае чытанне вершаў ацэньвалася па наступных крытэрыях: цвёрдае веданне тэксту, выразнасць, пачуццёвасць, правільнае інтанаванне і расстаноўка лагічных націскаў, умелае стварэнне вобразу лірычнага героя твора.
Пераможцамі конкурса сталі:
1 месца – Гузарэвіч Аляксандр,
2 месца – Мялюк Ганна,
3 меца – Якімовіч Ірына і Якімовіч Раман.
Віншуем!
Настаўнік беларускай мовы і літаратуры А.Я. Рэбкавец